Boodle Fight ng mga guro, isinagawa ng TDC at Ating Guro sa Mendiola

Hunyo 9, 2014 - Nagsagawa ng boodle fight ang Ating Guro party list at ang Teachers' Dignity Coalition (TDC) sa Mendiola kaninang umaga sa Maynila upang ipakita na ang mga guro at kawani ng pamahalaan ay nagugutom sa buwan pa naman ng nutrisyon. Ang nasabing boodle fight ay pagpapakita ng lalo't lalong kahirapang dinaranas ng mga guro na siyang iinuturing pa namang ikalawang magulang ng mga batang mag-aaral. Ang mga guro ay lingkodbayan, at hindi alipin. Kasama sa mga dumalo ang mga kasapi ng TDC mula sa lalawigan ng Quezon.

Ayon kay Ginoong Arsenio Jallorina, Ating Guro Partylist Chairman, “Ang boodle fight na ito ay simbolo ng lumalalang kalagayan ng ating mga guro, at sa kanilang napakababang sweldo at di sapat na insentibo ay hindi na nabibigyan ng tamang nutrisyon ang kanilang sarili at pamilya. Kinakain na lamang ng mga guro ang pagkaing pangkalamidad, tulad ng instant noodles, sardinas, tuyo at NFA rice."

Idinagdag pa ni Ginoong Jallorina na ang tema ng buwan ng nutrisyon ngayong taon ay "Kalamidad Paghandaan, Gutom at Malnutrisyon, Agapan." Aniya pa, ang mga guro'y sakbibi ng kalamidad ng kahirapan sa araw-araw, na kasalukuyang nararanasan ng mga kawani at guro sa mga pampublikong paaralan.

Ang kanilang tugon nga sa Nutrition Month Celebration ng DepEd: "Wala nang sustansiya ang pagkaing kaya nating ihain sa pamilya dahil sa baba ng sahod. Pati ang PEI ay binawasan pa at ang PBB ay pahirapan bago makuha. Pero mabilis sa DAP ang gobyerno natin na maliban sa iligal na ay ipinananakaw lang sa mga kawatang lingkod bayan kuno."

Ayon pa sa TDC at Ating Guro, ang kalagayan nila ngayon ay ang kawalan ng umento sa sweldo, ginawang P5,000.00 na lamang ang dating P10,000 PEI (productivity enhancement incentive), hindi patas at delayed pa ang PBB (performance-based bonus). Dagdag pa nila, kailangan pang magkayod-kabayo ang mga guro dahil sa RPMS (results-based performance management system). Nariyan din ang sobrang taas ng buwis, at may kakulangan, kundi man wala, sa materyales para sa K-12.

Dahil dito, panawagan ng Ating Guro at TDC: "P10K Dagdag na Sweldo, Hindi 130% Dagdag Trabaho! RPMS, Hindi Dapat Upatupad! Ang Bonus ay Gawing Patas! Unfair na PBB, Ibasura! PEI Dagdagan, Huwag Bawasan!"

Ulat at mga litrato ni Greg Bituin Jr.

 

 

 

 

 

 

 

 

 

PNoy must provide all necessary funds for K-12 in good faith - TDC

STATEMENT OF TEACHERS' DIGNITY COALITION (TDC)

P-NOY MUST PROVIDE ALL NECESSARY FUNDS FOR K-12 IN GOOD FAITH

July 8, 2014

After more than two years of implementation, the K-12 system is still in trial stage. And if we will use the K-12 program's grading system as standard, we will rate the program as "B" for its performance since 2012. Based on the grading system for K-12 which is contained in DepEd Order No. 73, s. 2012, "B" stands for "Beginning" which has a numeric equivalent of 74% and below. Other marks are D for Developing; AP for Approaching Proficiency; P for Proficient; and A for Advanced.

That poor rating is based on the problems surfaced during the first 2 years of K-12 implementation including the first month of this school year. On top of the list is the shortage in term of facilities- seats, classrooms, water and sanitation facilities and kindergarten facilities. Another problem is the shortage in terms of learning and teaching materials- textbooks and teachers manuals. The teachers are burdened in downloading materials from the DepEd website which they will reproduce charged against their own pockets. The trainings were insufficient and many of those teachers who were hired during the last two years were not trained for K-12 curriculum because DepEd hires teachers in June and the trainings were done during summer vacation. There will also have a further shortage in terms of teachers, especially in kindergarten and eventually in senior high school which will be opened in 2016. Affected teachers in the tertiary level will become jobless and the DepEd system may not be prepared to absorb all of them.

It may be harsh, but we urge the Senate to review the K-12 law and consider the capacity and political will of the government in further implementing this program. Or we may forget forget about its promises and subsequently suspend its implementation until substantial fund allocation for the program is met. We urge this honorable committee and the Department of Education (DepEd) to initiate a genuine dialogue and wider information dissemination.

Finally, we challenge President Benigno Aquino III to solve the shortages in school system. If he has the political will to enforce disbursement acceleration program (DAP) even without the legal basis to do so, we call on him to provide all the necessary funds to public education system and to do it in good faith. #

Teachers' Dignity Coalition (TDC)

Senate Hearing on K-12 Implementation

July 8, 2014

Bagong proklamasyon, hiniling ng mga taga-Lupang Arenda

BAGONG PROKLAMASYON, HINILING NG MGA TAGA-LUPANG ARENDA

Hunyo 27, 2014 - Nagsagawa ng pagkilos ang mga taga-Lupang Arenda, Brgy. Sta. Ana, Taytay, Rizal, sa paanan ng Mendiola upang hilingin kay PNoy na ibigay na ang ipinangako umano nitong proklamasyon upang maging ganap na pag-aari ng mga maralitang nakatira sa Lupang Arenda ang nasabing lugar.

Matatandaang noong Nobyembre 1995, sa pamamagitan ng Proklamasyong 704 ni dating Pangulong Fidel Ramos, ibinigay sa mga maralita ang Lupang Arenda. Ngunit noong panahon naman ni Gloria Macapagal Arroyo, matapos maganap ang bagyong Ondoy, tinanggal ang Proklamasyong 704 sa pamamagitan ng Executive Order (EO 854) ni GMA. Noong Eleksyon 2010, isa sa nilalaman ng covenant ni PNoy sa mga maralita ang pagtiyak na muling maibalik sa mga taga-Lupang Arenda ang karapatan sa paninirahan sa lugar.

Si Vicente "Enteng" Barlos, na siyang pangulo ng Arenda Urban Poor Federation, Inc. (AUPFI), kasama ang ilang lider, ay nagtungo sa loob ng Malakanyang habang nagrali naman sa bandang kanang bahagi ng Mendiola ang kanilang mga kasapian. Pagbalik ni Barlos at ng kanyang mga kasamahan ay agad siyang nag-ulat sa kanilang kasapian.

Kasabay nilang nagrali ang grupong KPML (Kongreso ng Pagkakaisa ng mga Maralita ng Lungsod), na nasaa kabilang bahagi naman ng Mendiola, at nananawagan naman ng price control, dahil na rin sa pagsirit ng presyo ng pangunahing mga bilihin, tulad ng bawang na nasa P400 na kada kilo, mula sa P60-P70 kada kilo noong nakaraang buwan.

Ulat at mga litrato ni Greg Bituin Jr.

Koalisyong Pabahay ng Pilipinas (KPP), sumama sa pagkilos laban sa pork barrel

KOALISYONG PABAHAY NG PILIPINAS (KPP), SUMAMA SA PAGKILOS LABAN SA PORK BARREL

Isa ang Koalisyong Pabahay ng Pilipinas (KPP) sa nagtungo sa Bonifacio Shrine sa Mehan Garden sa Maynila nitong Hunyo 12, 2014. Ang kanilang pagsama ay bilang pakikiisa sa panawagang "Jail All" - o ikulong lahat ng mga sangkot sa pork barrel scam, sila man ay oposisyon o maka-administrasyon.

Kasama nila ang mga grupong Bukluran ng Manggagawang Pilipino (BMP), Sanlakas, Kongreso ng Pagkakaisa ng mga Maralita ng Lungsod (KPML), Partido Lakas ng Masa (PLM), Alliance for Truth, Integrity and Nationalism (ATIN), Zone One Tondo Organization (ZOTO), Aniban ng Manggagawa sa Agrikultura (AMA), Pagkakaisa ng Manggagawa sa Transportasyon (PMT), Piglas-Kabataan (PK), SUPER-Federation, Makabayan-Pilipinas, Ang Grupo ng Organisadong Mamamayan (AGOM), at Proletaryong Rebolusyonaryong Kilusan (PRK).

Nakasama nila sa Bonifacio Shrine ang mga grupong Kilusang KontraPork, Workers Alliance Against Corruption (WAAC), NAGKAISA, Freedom from Debt Coalition (FDC), Water for All Refund Movement (WARM), APL-SENTRO, Partido ng Manggagawa (PM), at marami pang iba. Ang estimasyon ay mga nasa humigit-kumulang sa apatnalibo ang lumahok sa makasaysayang pagkilos na ito.

Ulat at mga litrato ni Greg Bituin Jr.

"JAIL ALL! Ikulong Lahat!" - BMP, PLM, SANLAKAS, KPML, at ATIN

"JAIL ALL! Ikulong Lahat!" - BMP, PLM, SANLAKAS, KPML, at ATIN

"JAIL ALL! IKULONG LAHAT!" Ito ang nagkakaisang panawagan sa naganap na kilos-protesta nitong Hunyo 6, 2014 sa People Power Monument sa Edsa. Ang nasabing pagkilos ay pinangunahan ng Alliance for Truth, Integrity and Nationalism (ATIN), Bukluran ng Manggagawang Pilipino (BMP), Partido Lakas ng Masa (PLM), SANLAKAS, at Kongreso ng Pagkakaisa ng mga Maralita ng Lungsod (KPML). Kaugnay ito ng isyung pork barrel na sumingaw na umano'y ninanakaw ng mga kawatan sa gobyerno. Ipinanawagan ng nasabing mga grupo na dapat lahat ng may kasalanan o kasama sa mga naakusahang nagnakaw ng pondo ng bayan ay dapat ikulong lahat, maging mayaman man o mahirap.

Sabi nga ng tagapagsalita ng PLM na si Emma Garcia, nabalita sa radyo't telebisyon ang nagnakaw ng isang kilong tuyo na pinahirapan pa ng mga awtoridad, binugbog at kinulong upang pagdusahan ang pagnanakaw ng isang kilong tuyo. Dagdag pa roon ang pagpapahiya sa kanyang pagkatao. Yaon pang mga nagnakaw ng bilyon-bilyon sa taumbayan ay hindi maikulong. Dapat mas matindi pa sa sinapit ng nagnakaw ng isang kilong tuyo ang sapitin ng mga nagnakaw ng bilyon-bilyong pondo ng taumbayan.

Tinalakay naman ni Rasti Delizo ng  Sanlakas ang iba pang aktibidad kaugnay nito. May kilos-protesta sa Hunyo 8 sa iba't ibang panig ng Metro Manila; Hunyo 10 sa Korte Suprema, at ang malaking rali sa Hunyo 12 sa Kartilya ng Katipunan Shrine, na nasa likod ng Mehan Garden sa Maynila. Lahat ng ito'y nananawagan laban sa katiwalian sa pamahalaan, at ikulong lahat ng may kasalanan sa pagnanakaw ng pondo ng bayan, partikular ang pork barrel.

Sinabi naman ni Ka Pedring Fadrigon, pambansang pangulo ng KPML, patuloy na maghihirap ang taumbayan hangga't naririyan ang sistemang pork barrel at ang mga kawatan sa gobyerno. Ayon naman kay Ka Leody de Guzman, pangulo ng BMP, dapat managot ang mga may kasalanan sa taumbayan, at dapat ikulong lahat ng mga kawatan.

Nagsimula ang kilos-protesta bandang ikasampu ng umaga at natapos ng ikalabindalawa ng tanghali.

Ulat at mga litrato ni Greg Bituin Jr.