PANALO KA PA RIN, ALEX EALA!
natalo ka man, panalo ka pa rin
sa pusò ng madla't bayang magiliw
sa ulat, dalawang kembot na lang daw
at ikaw na'y magiging kampyong tunay
natalo man, kami'y sumusuporta
pa rin sa iyo, O, Alex Eala!
inspirasyon sa mga Pilipino
di tulad ng kurakot sa gobyerno
mga kurakot ay nagpapababà
ng moral dahil kawatan, kuhilà
di tulad mong nagbibigay ng dangal
sa bansa't mayroong mabuting asal
sa iyo, taasnoong pagpupugay!
pagkat sa bayan, bayani kang tunay!
- gregoriovbituinjr.
01.11.2026
* ulat mulâ sa pahayagang Abante, Enero 10 at 11, 2026, p.8
Walang komento:
Mag-post ng isang Komento